خلصوا من السلفيين قلك نشتغل على الاخوان !!!

في البداية احب اقولوكو اني مش اخوان و في مواقف كتييير ليهم انا مش معاهم فيها .. بس النهارده لما نزلت التحريير لقيت الناس عمالة تشتم فيهم و اللي يقولك بعتونا بكام و كلام من ده ... احب افكركو ان الاخوان اكتر ناس عانو من النظام القديم , و لما كان كل واحد فيكوا بينام في بيتوا مرتاااااح , كانو هما بيعانو من ممارسات امن الدولة معاهم و اعتقالهم كل يوميين ... و محدش يقدر ينكر دور شباب الاخوان يوم موقعة الجمل و قد اييه سقط منهم شهدااااء .. و اي حد يقوول غير كده يبقى كداااب .. و يقولك هما منزلوووش عشان مصالحهم الشخصية عشان عايزيين انتخبااات بدري .. طيب و اللي عايزيين يأجلو انتخابات مش دووول برده لييهم مصالح و لا اييييييييييه .... مش دوول  عايزيين يجهزوا نفسهم عشان الانتخباااات صح و لا لأ؟ ... يعني كدا الطرفيين كل واحد ورا مصلحته ... و بعديين فيين حرية الرأي و التعبيير اللي بتطالبو بيها .. مش معنى ان الاخوان رأيهم غير رأيكو يبقى تشتموووهم .. مش عي دي الديمقراطية اللي بتطالبوا بييها ؟؟؟!!! .... و زي ما بتقولوا الثورة النهارده كانت ناجحة و بصراحة انا اشهد بكده .. خايفيين لييه تنزلو ضدهم في انتخابات نزيييهه ؟ .. و لو نجحوا و حاطو الدستور ما كدا كدا هيبقى في استفتاء تانييي ... فا يا رييت بلاش حجج فارغة ... و بدل ما تقعدوا تغلطوا في بعض ركزو في المطالب الأساسية : المحاكمات و المعتقللين السيايين و حل المجالس المحلية و تطهييير المؤسسات و كفاية مصالح بقااا ... قرفتووونا ... و يقولووولك عشان مصلحة البلد .. لا احب اقولك عشان مصلحتك الشخصية ... و على فكرة كلامي موجه للجمييع بما فييهم الاخوان .. و اللي على راسو بطحة يحسس علييها

ثورة الغضب الثانية ؟؟!!!

من كام يوم كدا عرفت ان في ناس نازلة التحريير عشان تعمل ثورة تانية "على اساس ان البلد ناقصة" او الظاهر الثورة بقت هي الموضة اليومييين دول... انا مع الناس اللي بتطالب بسرعة محاكمة مبارك و الشلة بتاعته .. و برده مع خرووج المعتقلين و سرعة تطهييير المؤسسات .. بس اللي مديقني و يحز في نفسي " على قولة صاحبنا اللي راقد في شرم" حوار ان احنا نأجل الانتخابات .. و يقلووولك عشان الحزب الواطي و الأخوان ميسيطروووش على البرلماااان .. ده على اساس ان الناس اللي هتصوت في الانتخباااات رايحححين بالعافية مثلا .... و حتى و لا مؤخزة لو اختاروووهوم يبقى الناس عايزة كده .. ميجييش بعض الناس عشان معندهاش القدرة على النزوووول في الانتخبات يقللك نأجلها و نعمل دستووور الأول ... ده انت كده خليت العسكر يطولوو معانا لا و فوق كده انت مش ضامن اللجنة اللي هيحطها الجيش عشان تعمل الدستور ايههه شكلها و لا الناس اللي فييها تمام ولا لأ ...هتقولي مجلس رئاسي مدني  ؟؟ .. هقولك انسلى الفكرة طووول ما المجلس العسكري ماسك ... لأنهم مش عايزيين يتنزلو و تظهر بلاويييهم " انا بتكلم عن المجلس العسكري مش الجيش" من الآخر كداااا ليه منصبرش لحد الانتخبات عشان يبقى في برلمان لييه سلطه و الجيش يرجع مكانه ... و نحاسب ساعتها كللله و يبقى اللعب عالمكشووووف اكيد فاهمين قصدي و للمش فاهم .. انا بتكلم عن المجلس العسكرييييييييييييييي ... لازم تكون المطالب بتاعت يوم الجمعة عليها احماع وطني عشان نكسب الناااس .. و اهو بمطالبكو دي خسرتو الاخوان لو اني عارف ان في شباب منهم هيشاركووو بس كأفراد ... و في الآخر مش هقول غير ربنا يستر .. و لك الله يا مصر